काठमाडौं । पछिल्लो २४ घण्टामा थप १ हजार ८०१ जनामा कोरोना भाइरस संक्रमण पुष्टि हुँदा १ हजार ९२४ जना संक्रमणमुक्त भएका छन् भने २४ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ८ हजार ७०४ जनाको पीसीआर परीक्षणमा १ हजार ५४८ र २ हजार ६२२ को एन्टिजेन परीक्षणमा २५३ जना गरी १ हजार ८०१ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ४८ हजार ९८१ जना पुगेको छ ।

जसमध्ये ३५ हजार १३२ जना होम आइसोलेसनमा र ३ हजार २१९ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार ५३३ जनाको मृत्यु भएको छ ।

यसअघि हिजो आइतबार १,९२० जना संक्रमित थपिँदा २४ जनाको मृत्यु भएको थियो भने  २,२४८ जना डिस्चार्ज भएका थिए।