काठमाडौं । नेपाल कम्युनिष्ट पार्टी (नेकपा) एमाले फुटेको छ ।

बुधबार पार्टीका वरिष्ठ नेता माधवकुमार नेपाल पक्षका नेताहरुले निर्वाचन आयोग पुगेर दल दर्ता गरेसँगै एमाले फुटेको हो। नयाँ दर्ता गरिएको दलको नाम नेकपा एमाले (समाजवादी) दल  रहेको छ भने खुला किताब चुनाव चिह्न रहेको छ ।

सरकारको सिफारिसमा राष्ट्रपति विद्यादेवी भण्डारीले राजनीतिक दलसम्बन्धी अध्यादेश प्रमाणीकरण गरेकी थिइन् । लगतै नेपाल समूह ‘नेकपा एमाले समाजवादी’ दर्ताका लागि निर्वाचन आयोग पुगेका थिए।