काठमाडौं । पछिल्लो २४ घण्टामा थप ३ हजार ६५१ जनामा कोरोना भाइरस संक्रमण पुष्टि हुँदा १ हजार ७८४ जना संक्रमणमुक्त भएका छन् भने २२ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार १० हजार ४४५ जनाको पीसीआर परीक्षणमा २ हजार ६०९ र ६ हजार १४९ एन्टिजेन परीक्षणमा १०४२ जना गरी ३ हजार ६५१ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख १७ हजार ४८६ जना पुगेको छ ।

जसमध्ये ३२  हजार ९०७ जना होम आइसोलेसनमा र ३ हजार ३८१ जना संस्थागत आइसोलेसनमा रहेका छन् । त्यस्तै कोरोना संक्रमणका कारण १० हजार ११५ जनाको मृत्यु भएको छ ।