काठमाडौं । अन्तत : प्रधानमन्त्री शेरबहादुर देउवाले मन्त्रीको भागबण्डा मिलाएका छन्।

बिहीबार प्रधानमन्त्रीको सरकारी निवास बालुवाटारमा बसेको सत्तारुढ दलको बैठकले काँग्रेसलाई प्रधानमन्त्रीसहित ८, माओवादी केन्द्र र जसपालाई ७ मन्त्रालय पाउनुपर्ने प्रारम्भिक खाका तयार पारिएको बालुवाटार स्रोतले जानकारी दिएको छ।

बैठकले एमाले वरिष्ठ नेता माधव नेपालको सहभागिताविनै मन्त्रिपरिषदलाई पूर्णता दिने भएको हो । स्रोतका अनुसार माधव नेपाल पक्षलाई सरकारी तथा संवैधानिक नियुक्तिमा अधिकतम अवसर दिने गरी काँग्रेस, माओवादी र जसपाले मन्त्रालयको भागबण्डा मिलाएका हुन् ।

स्रोतका अनुसार बाँकी तीन राज्यमन्त्री बनाइने छ । कुन मन्त्रालय कसले पाउने भन्ने विषयमा पनि सामान्य छलफल भएको स्रोतको भनाइ छ । तर, मन्त्रालयगत भागबण्डा बाहिर नल्याउने सहमति भएको बाहिर आइसकेको छैन।

अहिले मन्त्रालयकै बिषयलाई लिएर कांग्रेसको बैठक र जसपाको बैठक बसिरहेको छ।