काठमाडौं । नेपाल कम्युनिष्ट पार्टी (नेकपा) माओवादी केन्द्र संसदीय दलको बैठक सिंहदरबारमा बसेको छ ।

आज प्रधानमन्त्री शेरबहादुर देउवाले संसदमा विश्वासको मत लिन लागेको विषयमा छलफल गर्न माओवादी दलको बैठक बसेको हो ।

बैठकमा राष्ट्रिय सभा र प्रतिनिधिसभा दुवैका सांसदहरुको सहभागिता रहेको छ।

गत मंगलबार प्रधानमन्त्रीमा नियुक्त भएका नेपाली कांग्रेसका सभापति शेरबहादुर देउवाले आज अपराह्न बस्ने संसद बैठकमा विश्वासको मत लिंदैछन् ।

संसदमा नेकपा एमाले प्रमुख प्रतिपक्षका रुपमा रहने छ । सर्वोच्चको आदेशबाट संसद पुनर्स्थापनासँगै साढे तीन वर्षदेखि सत्तामा रहेका केपी शर्मा ओली सत्ताबाट बाहिरिएका छन् ।