जनता समाजवादी पार्टी (जसपा) का अध्यक्ष महन्थ ठाकुर समस्यामा परेका छन् । अफू पक्षका पाँच सांसद अर्का अध्यक्ष उपेन्द्र यादव पक्षतिर लागेप िउनी समस्यामा परेका हुन्।

ठाकुर पक्षमा रहेका अमृता अग्रहरी, नरमाया ढकाल, रानी मण्डल, प्रमोद साह र रूही नाथ यादव पक्षतिर लागेका हुन्। उनीहरू अहिले बालकुमारीस्थित संसदीय दलको अनौपचारिक बैठकमा सहभागी भएको स्रोतले बतायो।

उनीहरूसहित अब उपेन्द्र यादव पक्षमा १७ सांसद छन्।यातवतिर लागेका प्रमोद साहबाहेक अरू समानुपातिक सांसद हुन्। साह भने सर्लाहीबाट निर्वाचित प्रतिनिधिसभा सांसद हुन्। उनी यसअघि पनि संसद विघटनको विपक्षमा उभिएका थिए। उनी महन्थ ठाकुरले बोलाएको बैठकमा उपस्थित थिएनन्।

यसअघि जसपाका अध्यक्षद्वय महन्थ ठाकुर र उपेन्द्र यादव पक्षले आफूहरूलाई अलग(अलग गरिदिन निर्वाचन आयोगलाई आग्रह गरेका थिए। उनीहरूमा देखिएको विवाद निरूपण गर्न निर्वाचन आयोजले इजलास गठन समेत गरेको छ।

साउन ३ गते बिहान ११ बजे जसपा विवाद निरूपणबारे इजलास बैठक राखिएको छ। त्यसका लागि जसपाका दुबै पक्ष अध्यक्षद्वय महन्थ ठाकुर र उपेन्द्र यादव पक्षलाई बोलाइएको छ।जसपामा अध्यक्ष ठाकुर र यादवले एकअर्कालाई कारबाही गरेका थिए।

यादव पक्षले नेपाली कांग्रेसका सभापति शेरबहादुर देउवालाई प्रधानमन्त्री बनाउन हस्ताक्षर दिएको थियो भने ठाकुर पक्ष केपी शर्मा ओली नेतृत्वको सरकारमा सहभागी भएको थियो । तर, जसपाबाट मन्त्री बनेकाहरको पद एक महिना पनि टिकेको थियो । ओलीले गरेको मन्त्रीपरिषद् विस्तार सर्वोच्च अदालतले बदर गरेपछि ठाकुर पक्षका उपेन्द्र यादवलगायतको मन्त्र िपद गुमेको थियो ।