काठमाडौं । नेपाली कांग्रेसका सांसद प्रकाश पन्थले कम्युनिष्ट सरकारका कारण मुलुक बन्धक भइरहेको बताएका छन् ।

आइतबार राष्ट्रिय सभामा बोल्दै सांसद पन्थले कम्युनिष्ट सरकार, कोरोना र प्रकोपको ताण्डपबाट मुलुक र जनताले कहिले मुक्ति पाउँछन् भन्दै प्रश्न गरे। कम्युनिष्टका कारण मुलुक बन्धक भइरहेको छ’ पन्थले प्रश्न गरे, ‘कम्युनिस्टका नाटक र नौटङ्कीबाट मुलुकले कहिले निकास पाउँछ ?’

सभामा सांसद पन्थले नागरिकले समयमै खोप नपाएको, किसानले समयमै मल नपाएको, समयमै बाढी पहिरो रोकथामको उपाय अपनाउने र अध्ययन गर्नेतिर ध्यान नदिएको आरोप लगाए ।

यस्तै, सरकारले कोरोना उपचारमा मनोमानी शुल्क लिने गरेको चौतर्फी सुन्दा पनि नसुनेझैँ गरेको भन्दै चर्को आलोचना गरे।