हेटौंडा । जिल्ला प्रहरी कार्यालय मकवानपुरले १२० किलो ९०० ग्राम लागूऔषध गाँजासहित एउटा बोलेरो पिकअप गाडी नियन्त्रणमा लिएको छ।

बिहीबार बिहान करिब ३ बजे हेटौडा उ.म.न.पा. वडा नं ०२ रिलायन्स बोडिङ् स्कुल अगाडी प्रदेश ३-०१-०२२ च ७२३७ नं को बोलेरो पिकअप गाडीलाई १२० किलो ९०० ग्राम लागूऔषध गाँजासहित प्रहरीले नियन्त्रणमा लिएको हो ।

सानोपोखरा हेटौडाबाट सईको कमाण्डमा खटिएको मोवाईल गाडीलाई देख्नसाथ उक्त बोलेरोको चालक भने फरार भएको प्रहरीले जनाएको छ। प्रहरीले उक्त घटनामाथि थप अनुसन्धान भइरहेको र फरार रहेका चालकको खोजी कार्य तिब्र रहेको जनाएको छ।