दैलेख । कोरोना भाइरस संक्रमणका कारण नेपाली कांग्रेस दैलेखका पूर्वजिल्ला सभापति जगतजंग थापाको निधन भएको छ।

पूर्वसभापति थापाको सोमबार विहान ३ बजे दैलेख अस्पतालमा निधन भएको पारिवारिक स्रोतले जानकारी दिएको छ।

दैलेखको राजनीतिमा सालिन छवि बनाएका थापा राजनीतिमा स्थापित नेता हुन् । पञ्च्यायत कालमा नेपाल युवक संगठनबाट राजनीतिमा प्रवेश गरेका थापा देशमा बहुदल आएपछि नेपाली कांग्रेसमा प्रवेश गरेका थिए ।

थापा २०५३ सालमा नेपाली काँग्रेस दैलेखको ९ औं अधिवेशनबाट पार्टी सभापति भएका थिए।