बैतडी । बैतडीमा भएको जीप दुर्घटनामा मृत्यु हुनेको संख्या तीन पुगेको छ । सिगास गाउँपालिका–३ को लगनमा भएको दुर्घटनामा परेर गम्भीर घाइते भएका सिगास गाउँपालिका–३ का ४५ वर्षीय जयसिंह धामीको पनि मृत्यु भएको हो ।

जिल्ला प्रहरी कार्यालय बैतडीका अनुसारर उपचारका लागि अस्पताल लैजाने क्रममा धामीको मृत्यु भएको जानकारी दिए । यसअघि ४५ वर्षका मानसिंह साउद र ७५ वर्षका रामसिंह धामीको मृत्यु घटनास्थलमै मृत्यु भएको थियो ।

आज बिहान सिगास गाउँपालिका–३ बाट डडेल्धुरातर्फ जाँदै गरेको से१ज ७३९ नम्बरको जीपमा दुर्घटना हुँदा अन्य ११ जना घाइते भएका छन् । घाइतेहरुमध्ये अझै थप ३ जनाको अवस्था गम्भीर रहेको छ । उनीहरुलाई उपचारका लागि डडेल्धुरा पठाइएको प्रहरीले जनाएको छ । दुर्घटनाको कारण अझै खुल्न सकेको छैन ।

प्रहरीका अनुसार चालक खगेन्द्रबहादुर साउद र गाडीधनी हरिभान साउद फरार रहेकाले खोजी भइरहेको छ । जिप सडकबाट तल खसेको छ ।