एजेन्सी । केन्याको राजधानी नैरोबीको एक क्लवमा ८ जना नेपाली युवती र एक पाकिस्तानी युवती गरी ९ जनालाई थुनेर राख्ने व्यवसायीलाई ३ वर्ष जेल र ३५ लाख केन्याली शिलिङ (३८ लाख नेपाली रुपैयाँ) जरिवानाको सजाय सुनाइएको छ ।

केन्याको सिटिजन टेलीभिजनको रिपोर्टअनुसार ती व्यवसायीहरुले ती युवतीहरुलाई थुनेर राखेर क्लवमा बेली डान्स गराउने गरेका थिए।

गत मंगलबार त्यहाँको एक अदालतले व्यवसायी शेख फुरोआन हुसेनलाई एसियाबाट युवतीको तस्करी गरेर केन्यामा गैरकानुनी रुपमा राखेको अपराधमा दोषी ठहर गरेको हो।

हुसैनलाई अदालतले ती युवतीहरुको शोषण गरेको र उनीहरुको यात्रा डकुमेन्टहरु जबरजस्ती कब्जा गरेकोमा दोषी ठहर गरेको छ ।

JUST IN: Shaikh Furqan Hussain jailed for three years by Nairobi Court for exploiting nine belly dancers from Nepal and Pakistan at his Balle Balle Club in Parklands. pic.twitter.com/TmqE4EMzil

— Pulse Kenya (@PulseLiveKenya) June 16, 2021