रामनारायण यादव / जनकपुरधाम । प्रदेश २ मा अक्सिजन प्लान्टको स्थापना भएको छ ।

जनकपुरधाम उपमहानगरपालिका वडा नम्बर २३ मा स्थापना भएको अक्सिजन प्लान्टको मुख्यमन्त्री लालबाबु राउतले आज एक कार्यक्रमबीच उद्घाटन गरेका छन् ।

उद्घाटन गर्दै मुख्यमन्त्री राउतले कोरोना महामारीसँग जुध्न अक्सिजन महत्वपूर्ण र यसको उत्पादन शुरु गरेकोप्रति उद्योगका सञ्‍चालकलाई धन्यवाद दिएका छन् ।

एस आर जे ग्रुपले अक्सिजन प्लान्ट संचालनमा ल्याएको उक्त प्लान्टमा  दैनिक ४ सय ५० सिलिन्डर अक्सिजन उत्पादन गर्न सकिने  ग्रुपका अध्यक्ष शिबनन्दन साहले जानकारी दिए ।