रामनारायण यादव / जनकपुरधाम । जनकपुरमा एक बालिकामाथि बलात्कार भएको छ ।

बलात्कारको आरोपमा जनकपुरधाम उपमहानगरपालिका वडा नम्वर २२ बसबिट्टीका ५० वर्षीय छेदु मण्डललाई प्रहरीले पक्राउ गरेको छ।

जिल्ला प्रहरी कार्यालय धनुषाका अनुसार स्थानीय ४ वर्षीया बालिकालाई बलात्कार गरेको आरोपमा मण्डललाई पक्राउ गरिएको हो। जिल्ला प्रहरी कार्यालय धनुषाका प्रहरी उपरीक्षक प्रकाश रानाभाटले पीडित परिवारको उजुरी आधारमा मण्डललाई पक्राउ गरेको बताए ।

बालिकालाई खेलाउन भनी मंगलवार घरमा लगेको र पछि आँपको बगैँचामा लगेर बलात्कार गरेको पीडित परिवारको आरोप छ ।

घटनाको बारेमा थप अनुसन्धान भई रहेको प्रहरीले जनाएको छ ।