काठमाडौँ । पछिल्लो २४ घण्टामा देशभर ६७ जनाको कोरोना भाइरस संक्रमणका कारण ज्यान गएको छ। योसँगै देशभर कोरोना संक्रमणका कारण ज्यान गुमाउनेहरुको संख्या ८ हजार ३ सय ०५ पुगेको स्वास्थ्य तथा जनसंख्या मन्त्रालयले जनाएको छ।

मन्त्रालयले दिएको जानकारी अनुसार गत २४ घण्टामा ५ हजार २२५ जना निको भएर घर फर्केका छन्।

यस्तै, पछिल्लो २४ घण्टामा ३ हजार ७५० जना कोरोना संक्रमित थपिएका छन्। मन्त्रालयका अनुसार गत २४ घण्टामा ९ हजार ५९८ पीसीआर परीक्षण गर्दा २ हजार ७०९ जनामा कोरोना संक्रमण पुष्टि भएको छ । यस्तै ५ हजार ५८४ जनाको एन्टिजेन  परीक्षण गर्दा १ हजार ४१ जनामा पोजेटिभ देखिएको छ।

यसअघि हिजो ३४७९ जना संक्रमण पुष्टि हुँदा ५,२९३ जना डिस्चार्ज भएका थिए भने ५९ जनाको ज्यान गएको थियो।