चितवन । ज्वारो आएर चितवनको भरतपुर अस्पतालमा उपचाररत एक विरामीको मृत्यु भएको छ ।

अस्पतालले निमोनियाका कारण उनको आज विहान मृत्यु भएको बताए पनि उनको स्वाब परीक्षण हुन भने बाँकी रहेको अस्पतालले जनाएको छ ।

अस्पतालका मेडिकल सुपरिटेण्डन्ट डा. श्रीराम तिवारीका अनुसार ती युवतीमा कोरोना संक्रमण भए नभएको पत्ता लगाउन स्वाव परिक्षणका लागि पठाउने तयारी भइरहेको छ ।

हेटौंडाबाट रिफर भएर आएकी सिन्धुली हरिहरपुर गाउँपालिका–२ कि २६ वर्षीया उषाकुमारी राईलाई गएराति १ बजे अस्पतालको आकस्मिक कक्षमा ल्याइएको थियो ।

उनको आइसीयूमा उपचारको क्रममा मृत्यु भएको अस्पतालले जनाएको छ ।

मृतक राई सुरुमा हेटौंडा अस्पताल पुगेकी थिइन् । हेटौंडा अस्पतालले भरतपुर रेफर गरेको थियो ।