एजेन्सी । कोपा अमेरिका फुटबल ब्राजिलमा आयोजना हुने भएको छ ।

दक्षिण अमेरिकी फुटबलको सर्वोच्च निकाय (कन्मेबोल)ले कोपा अमेरिकाबारे निर्णय गरेको हो । ब्राजिल सो प्रतियोगिताको साविक विजेता हो ।

यस अघि कोपा अमेरिका अर्जेन्टिनामा आयोजना हुने तय भएको थियो । कोरोना भाइरसको महामारीका कारण अर्जेन्टिनाबाट प्रतियोगिता सारिएको हो ।

कोरोनाको दोस्रो लहरसँगै अर्जेन्टिनामा फुटबल गतिविधि एक महिनादेखि बन्द छ । प्रतियोगिता जुन १३ देखि जुलाई १० सम्म हुने तय भएको छ । सन् २०२० मा आयोजना हुनुपर्ने कोपा अमेरिका फुटबल कोरोनाका कारण एक वर्ष पछि सरेको हो ।