काठमाडौँ। अभिनेत्री वर्षा शिवाकोटीले शनिवार सार्वजनिक गरिएको बजेटबारे टिप्पणी गर्दै नेताहरुलाई पढाउन/बुझाउनको लागि आवश्यक पर्ने तालिम केन्द्रको लागि पनि बजेट विनियोजन गर्दा ठीक हुने बताएकी छन् ।

हिजो सार्वजनिक भएको बजेट लोकप्रिय भएको भन्दै उनले लेखेकी छन्, ‘बजेट त सँधै राम्रो र आनन्द लाग्ने आउने हो, यो पटक झन राम्रो र कर्णप्रिय लाग्दैछ। तर बजेट भाषण सकिने बित्तिकै एक अर्कालाई सत्तोसराप शुरु हुने निश्चित छ।’

उनले फेसबुकमा लेखेकी छिन् ‘नेताको दिनहुँको किचलोले जनता दिक्क भएका छन्, यो कुरा बुझाउन नेतालाई पढाउने र बुझाउने तालिम केन्द्रको लागि पनि बजेट विनियोजन गर्दा हुने।’