काठमाडौँ। उपप्रधानमन्त्री ईश्वर पोखरेलले बाँकेका प्रमुख जिल्ला अधिकारी (सीडीओ)शिवराम गेलाललाई आज टेलिफोन गर्दै भेरी अस्पतालमा स्वास्थ्यकर्मीमाथि भएको दुव्र्यवहारको घटनामा संलग्नलाई हदैसम्मको कारबाही गर्न निर्देशन दिएका छन् ।

उपप्रधानमन्त्री पोखरेलले कोरोना महामारीको बेला जनताको जीवनरक्षामा खटिएका स्वास्थ्यकर्मीमाथि भएको आक्रमण ‘गम्भीर अपराध र अमानवीय’ भएको बताउँदै स्वास्थ्यकर्मीको सुरक्षामा विशेष ध्यान दिन निर्देशन सीडीओ गेलाललाई निर्देशन दिएका हुन् ।

साथै उक्त घटनाको सम्बन्धमा छानबिन समिति गठन भएको छ भने तीन जना पक्राउ परिसकेका छन् । जसमा दाङको तुलसीपुर घर भएका मानबहादुर रावत, भरत रावत र लोकराज रावत रहेका छन्।

पक्राउ परेका उनीहरुमाथि ज्यानमार्ने उद्योगमा मुद्दा दर्ता गराएर आवश्यक अनुसन्धान जारी गरिएको लुम्बिनी प्रदेशका प्रहरी प्रमुख डीआईजी रविन्द्र धानुकले बताए।