काठमाडौँ। बाग्मती प्रदेशस्तरिय राष्ट्रियसभा सदस्यमा निर्वाचित डा.खिमलाल देवकोटाले आज पद तथा गोपनीयताको शपथ लिएका छन्।

आज संघीय संसद सचिवालयमा आयोजित कार्यक्रमकाबीच देवकोटालाई राष्ट्रिय सभाका अध्यक्ष गणेशप्रसाद तिमिल्सिनाले शपथ गराएका हुन्।

गत ६ गते भएको निर्वाचनमा नेकपा एमालेका नेता रामबहादुर थापा बादललाई पराजित गर्दै देवकोटा विजयी भएका थिए । माओवादी छोडेर थापा एमाले प्रवेश गरेपछि उक्त स्थान रिक्त भएको थियो । रिक्त स्थानमा बादल पुनःउम्मेद्वार बनेका थिए ।

तर, कलम चिह्न लिएर स्वतन्त्र निर्वाचन लडेका देवकोटालाई नेपाली काँग्रेस, नेकपा माओवादी केन्द्र, नेकपा एमालेको माधव नेपाल समूहले समर्थन गरेका थिए।