काठमाडौं। देशका छुट्टाछुट्टै स्थानमा एकै दिन तीन व्यक्ति मृत फेला परेका छन् । केन्द्रिय प्रहरी समाचार कक्षका अनुसार काभ्रेपलाञ्चोक चौरीदेउराली गाउँपालिका-३ माझीफेदास्थित ओडारमा सोही ठाउँ बस्ने २५ वर्षीया अम्बिका आपागाईं बिहीबार बिहान मृत अवस्थामा फेला परेकी छन् ।
यसैगरी काभ्रेपलाञ्चोक, चौरीदेउराली-७ दोमानटारस्थित सुनकोशी नदीको किनारमा बिहीबार बिहान हाल नाम, थर, वतन नखुलेकी करिब ३२ वर्षीया महिला मृत फेला परेकी छन् ।
उदयपुर, उदयपुरगढी गाउँपालिका-१ बस्ने ६० वर्षीय यम्बर बहादुर रोक्का सार्की हजारे सोही ठाउँस्थित गोरेटो बाटोमा बिहीबार बिहान मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको जनाएको छ।
Leave a Reply