स्याङ्जा। जिल्ला प्रहरी कार्यालय स्याङ्जाले पुतलीबजार नगरपालिका-१ प्रगतिनगर र चन्द्रनगर घुम्तीस्थित दुई ठाउँमा लुकाएर राखेको १ सय ९२ लिटर न्यून गुणस्तरको स्यानिटाइजर बरामद गरेको छ ।

सोमबार दिउँसो स्यानिटाइजर लुकाएर विक्री गर्ने गरेको भन्ने सूचनाको आधारमा जिल्ला प्रहरी कार्यालय स्याङ्जाबाट खटिएको प्रहरीको टोलीले १ सय ९२ लिटर न्यून गुणस्तरको स्यानिटाइजर बरामद गरेको हो।

सोही नगरपालिका-१ प्रगतिनगर घुम्तीस्थित पुतलीबजार नगरपालिका-१ कालाखोला बस्ने ४७ वर्षीय देवेन्द्र पौडेलको कोठाबाट र उत्सव डिटर्जेट एण्ड कस्मेटिक उद्योगबाट गरेर बरामद गरेको प्रहरीको भनाइ छ।

यस सम्बन्धमा थप अनुसन्धान भईरहेको जिल्ला प्रहरी कार्यालय स्याङ्जाले जनाएको छ ।