काठमाडौँ । भारतमा आएको ताउते आँधीको प्रभावले लगातार तीन दिन वर्षापछि आजदेखि मौसममा सुधार आएको छ ।

मौसममा सुधार आएसँगै विश्वको सर्वोच्च शिखर सगरमाथा आरोहण पुनः शुरु भएको छ । पर्यटन विभागकी निर्देशक मिरा आचार्यका अनुसार आइतबार केही आरोही चुचुरोमा पुग्न लागेका छन् ।

मौसम प्रतिकूलका कारण चुचुरोमा पुग्न नसकेका आरोही मौसम सफा बनेपछि चुचुरोतर्फ गएका हुन् । उनीहरुले आजै सफल आरोहण गर्नेछन् । वैशाख अन्तिम हप्तादेखि सगरमाथामा यस वर्षको वसन्त ऋतुको आरोहण शुरु भएको थियो ।

बहराइनका राजकुमारसहितको टोलीले यस सिजनमा पहिलोपटक सगरमाथाको सफल आरोहण गरेको थियो ।

चार सय आरोही सगरमाथा आरोहरणका लागि प्रयासमा छन् । यसपटक सगरमाथा आरोहणका लागि चार सय ८ जनाले अनुमति लिएका थिए ।