काठमाडौँ। नेपाल कम्युनिष्ट पार्टी (नेकपा एमाले संसदीय दलका नेता केपी शर्मा ओलीले १५३ जना सांसदको आफूलाई समर्थन रहेको जानकारीसहित राष्ट्रपति विद्यादेवी भण्डारीसमक्ष प्रधानमन्त्रीका लागि दाबी पेस गरेका छन् ।

दिउँसो विपक्षी गठबन्धनका नेताहरु पुग्नु भन्दा केहीबेर पहिला शीतल निवास पुगेका ओलीले एमालेका १२१ र जनता समाजवादी पार्टीका ३२ सांसदको समर्थन रहेको भन्दै प्रधानमन्त्रीमा दाबी पेस गरेको प्रधानमन्त्रीका राजनीतिक सल्लाहकर बिष्णु रिमालले जानकारी दिएका छन्।

रिमाले सामाजिक सञ्जालमा लेखेका छन्,’नेकपा (एमाले)का १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित प्रधानमन्त्री केपी शर्मा ओलीले संविधानको धारा ७६(५) वमोजिम प्रधानमन्त्री पदको लागि दावी गर्नु भएको छ।’

नेकपा (एमाले)का १२१ र जसपाका ३२ गरी १५३ जना सांसदको समर्थन आफूलाई रहेको पत्रसहित प्रधानमन्त्री केपी शर्मा ओलीले संविधानको धारा ७६(५) वमोजिम प्रधानमन्त्री पदको लागि दावी गर्नु भएको छ।

— Bishnu Rimal ~विष्णु रिमाल (@BishnuRimal) May 21, 2021

अहिले शितलनिवासमा बिपक्षी गठबन्धनका तर्फबाट प्रधानमन्त्रीमा दावी पेश गर्दै कांग्रेस सभापति शेरबहादुर देउवाले आफुसंग १४९ जनाको हस्ताक्षर भएको बताएका छन्।