काठमाडौं । सर्वोच्च अदालतले गृहमन्त्री रामबहादुर थापा ‘बादल’सहित ७ जना मन्त्रीहरुको नियुक्ति बदर गरेको छ।

आज सर्वोच्चका प्रधानन्यायाधीश चोलेन्द्रशम्शेर जबराको एकल इजलासले संसद सदस्य समेत नरहेका मन्त्रीहरु बादललगायत टोपबहादुर रायमाझी, लेखराज भट्ट, प्रभु साह, गौरीशंकर चौधरी, मणि थापा र दावा लामालाई मन्त्रीको हैसियतमा कुनै पनि कामकारबाही नगर्नु नगराउनु भनी अन्तरिम आदेश जारी गर्दै नियुक्ति बदर गरेको हो।

अधिवक्ता कपिलदेव ढकाल र विराज थापाले दायर गरेका रिटमाथिको प्रारम्भिक सुनुवाइपछि प्रधानन्यायाधीश राणाको इजलासले एकपटक ६ महिनाका लागि मन्त्री हुन पाउने र त्यसबीचमा संघीय संसदको सदस्य नभए स्वतः पदमुक्त हुने व्यवस्था गरेको भन्दै प्रधानमन्त्री ओलीले गरेको नियुक्ति संविधानसम्मत नरहेको ठहर गरेको छ।