नवलपरासी (पश्चिम) । जिल्लाको दक्षिणी सीमामा सशस्त्र प्रहरीको गोली लागेर एक युवक गम्भीर घाइते भएका छन् ।

घाइते हुनेमा प्रतापपुर गाउँपालिका वडा नं ६ कठहवाका २२ वर्षीय अविनाश राय रहेका छन्।

आज बिहान करिब ९:३० तिर भारतीय सीमातर्फ जाँदै गरेका तीनजना नेपाली युवालाई रोक्न खोज्दा भएको विवाद चर्किए पछि प्रहरीले गोली चलाएको थियो।

स्थानीयका अनुसार प्रहरीको उक्त कदमबाट स्थानीयमा त्रास बढेको र सीमावर्ती नेपाल र भारत दुबैतर्फको अवस्था तनावपुर्ण बनेको छ ।