काठमाडौं । जनता समाजवादी पार्टी (जसपा)का अध्यक्षद्वय महन्थ ठाकुर र उपेन्द्र यादवबीच भेटवार्ता भएको छ ।

पार्टीमा विकसित पछिल्लो घटनाक्रमबारे छलफल गर्न पार्टी कार्यालय बालकुमारीमा दुई अध्यक्षबीच भेट भइरहेको जसपा नेता सुरेन्द्र झाले जानकरी दिए।

प्रधानमन्त्री चयनको विषयलाई लिएर जसपामा दुई धार देखिएको छ । पार्टी अध्यक्ष ठाकुर र वरिष्ठ नेता राजेन्द्र महतोले प्रधानमन्त्री ओलीलाई सहयोग गरेका बेला अर्का अध्यक्ष यादव र बाबुराम भट्टराई भने विपक्षमा उभिएका थिए ।

ठाकुर र महतोकै कारणले ओलीको निरन्तरता सम्भव भएको थियो। यस्तै, अध्यक्ष ठाकुरले अर्का अध्यक्ष यादवसंग छलफल नगरी संसदीय दलको नेतामा महतोलाई चयन गरिसकेपछि पार्टीभित्र थप तिक्तता छाएको छ।