रुपन्देही। जिल्लाको कन्चन गाउँपालिका ४ थकाली चोकमा प्रहरी हवल्दारको अपरचित गाडीको ठक्करबाट मृत्यु भएको छ।

मृत्यु हुनेमा प्युठान अ‍ैरावती गाँउपालिका २ घर भई हाल इलाका प्रहरी कार्यालय रुद्रपुरमा कार्यरत प्रहरी हवल्दार कर्णबहादुर बुढा मगर रहेका छन् ।

इलाका प्रहरी कार्यलय, रुद्रपुरका अनुसार कञ्चन गाउपालिका ४ थकाली चोकस्थित ट्राफिक चेकिङको क्रममा अपरिचित गाडीले ठक्कर दिँदा मगरको घटनास्थलमा मृत्यु भएको जिल्ला प्रहरी कार्यालय रुपन्देहीका डिएसपी सत्यनारायण थापाले जानकारी दिए।

बिहीबार राति अन्दाजी २ बजेको समयमा नम्बर खुल्न नसकेको गाडीले ठक्कर दिँदा ३६ वर्षीय मगरको मृत्यु भएको डीएसपी थापाले बताए । थापाका अनुसार उनको शव पोष्टमार्टमका लागि लुम्बिनी प्रादेशिक अस्पताल बुटवलमा पठाइएको छ।

ठक्कर दिने गाडीको सीसी टिभी क्यामेराको सहयताबाट खोजी भइरहेको डीएसपी थापाले बताए।