नेपालगन्ज। बाँकेका विभिन्न अस्पतालमा उपचाररत थप १० कोरोना संक्रमितको मृत्यु भएको छ ।

बुधबार रातिदेखि आज बिहानसम्म उनीहरुको ज्यान गएको हो । मृत्यु हुनेमा बाँकेका ६ तथा बर्दिया र दाङका दुई दुई जना रहेका छन् ।

भेरी अस्पतालमा उपचाररत नेपालगन्ज उपमहानगर १ की ४३ वर्षीया महिला र नेपालगन्ज उपमहानगर १२ की २९ वर्षीया महिला, नेपालगञ्‍ज मेडिकल कलेजमा बैजनाथ गाउँपालिका ६ का ६४ वर्षीय पुरूष, डुडुवा गाउँपालिका ३ की ५० वर्षीया महिला, नरैनापुर गाउँपालिका ५ का ४२ वर्षीय पुरूष र नेपालगञ्गज उपमहानगरपालिका १२ बाँकेकी ७६ वर्षीया महिलाको मृत्‍यु भएको हो ।

यसैगरी भेरी अस्पतालमा उपचाररत बर्दियाको राजापुर ६ की ५६ वर्षीया महिला, गुलरियाकी ३२ वर्षीया महिला, नेपालगञ्‍ज मेडिकल कलेजमा उपचाररत तुलसीपुर उपमहानगरपालिका ५, दाङकी ३५ वर्षीया महिला तथा तुलसीपुर उपमहानगरपालिका ६, दाङकै ४३ वर्षीय पुरूषको बुधबार राति ज्यान गएको हो ।

योसँगै कोरोनाबाट बाँकेका २१४ तथा अन्‍य जिल्लाका १६३ संक्रमतिको उपचारका ज्यान गएको छ ।