काठमाडौं। कोरोना संक्रमणका कारण माछापुच्छ्रे बैंकका पूर्व सीईओ निरज श्रेष्ठको निधन भएको छ।

श्रेष्ठको आज बिहान ११ बजे नेपाल प्रहरी अस्पताल महाराजगन्जमा निधन भएको अस्पतालले जनाएको छ । यसअघि उनका बुबाको पनि मंगलबार राति कोरोनाकै कारण निधन भएको थियो ।

केही दिनअघि कोरोना संक्रमण पुष्टि भएका श्रेष्ठले आफ्नो बेड अरुलाई दिएका थिए।

तत्कालीन  ग्रिनलेज बैंकबाट बैकिङ करिअर सुरु गरेका उनले एनआइसी एसिया र ग्लोवल आइएमई बैंकमा पनि केही समय काम गरेका थिए।

मृतक श्रेष्ठका श्रीमती र एक छोरी छन् । तर उनीहरु दुवै नयाँ दिल्ली रहेको र कोरोना संक्रमणका कारण उतै रहेका छन्।