चितवन । कोरोनाका कारण देशभर लकडाउन हुँदा चितवनको सौराहामा निजी क्षेत्रबाट पालिएका हात्तीका लागि पोसिलो खाना अभाव भएको छ ।

खानाको अभाव भएपछि व्यवसायीहरुले हात्तीहरुका लागि चितवन राष्ट्रिय निकुञ्ज भित्रको घाँस उपलब्ध गराउन माग गरेका छन् ।

लकडाउनमा हात्ती संरक्षणका लागि पनि निकुञ्ज यो बेला घाँस उपलब्ध गराउनु पर्ने व्यवसायीहरुको माग छ ।

युनाईटेड हात्ती सञ्चालन सहकारी संस्थाका अध्यक्ष ऋषि तिवारीले पर्यटकीय नगरी सौराहाका क्षेत्रमा रहेका नीजि स्तरबाट पालिएका हात्तीहरुका लागि पोसिलो खाना र घाँसको अभाव भएको बताए ।

लकडाउनसँगै पर्यटन क्षेत्र ठप्प बनेपछि हात्तीलाई खुवाउने दाना अभाव भएपति व्यवासयीहरुले निकुञ्जबाट पोसिलो घाँसहरु उपलब्ध गराउन माग गरेका हुन् ।