काठमाडौं । संवैधानिक परिषदको बैठकले अख्तियार दुरुपयोग अनुसन्धान आयोग र लोकसेवा आयोगलगायत रिक्त रहेका संवैधानिक निकायहरूमा पदाधिकारी नियुक्ति गर्न सिफारिस गरेको छ ।

आज बिहान प्रधानमन्त्री निवास बालुवाटारमा बसेको परिषद् बैठकमा संवैधानिक निकायहरूमा पदाधिकारी नियुक्ति गर्न सिफारिस गरिएको स्रोतले बताएको छ।

बैठकमा परिषदका अध्यक्ष प्रधानमन्त्री ओली, प्रधानन्यायाधीश चोलेन्द्र शमसेर राणा र राष्ट्रियसभाका अध्यक्ष गणेश तिमल्सिनाको सहभागी रहेको थियो।

स्रोतका अनुसार बिपक्षी दल नेपाली कांग्रेसका नेता शेरबहादुर देउवाको कोट बाट पनि सिफारिस गरिएको छ। यद्यपि सिफारिस गरिएकाहरुको नाम भने सार्वजनिक गरिएको छैन।