काठमाडौं । नेपाली कांग्रेसको पदाधिकारी बैठक आज बस्ने भएको छ।

सभापति शेरबहादुर देउवा निवास बुढानीलकण्ठमा दिउँसो २ बजे पदाधिकारी बैठक बस्न लागेको हो। बरिष्ठ नेता रामचन्द्र पौडेल अस्वस्थ भएपछि सोमबार बैठक स्थगित भएको थियो।

पदाधिकारी बैठकमा प्रधानमन्त्री केपी शर्मा ओलीले विश्वासको मत लिने घोषणा गरेपछिको अवस्थाका बारेमा छलफल हुने बताइएको छ । यस्तै पार्टीको १४औं महाधिवेशनका विषयमा समेत पदाधिकारी बैठकमा छलफल हुने छ।

बैठक ओलीको विश्वासको मत लिने विषयमा नै बढी केन्द्रित हुने देखिन्छ । कांग्रेस आफ्नो नेतृत्वमा नयाँ सरकार गठन गर्न चाहन्छ । ओलीले संसदमा विश्वासको मत लिन नसकेको अवस्थामा मात्र कांग्रेस नेतृत्वको सरकार सम्भव छ ।