नयाँदिल्ली। भारतको सबैभन्दा ठूलो खोप उत्पादक कम्पनी सेरम इन्स्टिच्यूटका प्रमुख कार्यकारी अधिकृत (सिइओ) अदर पुनावाला बेलायत पुगेका छन्। उनी भारतमा आफूमाथि अत्याधिक दबाब आएको भन्दै बेलायत गएका हुन् ।

सीइओ पुनावालाले आफूमाथि अत्याधिक दबाब आएको दि टाइम्ससँगको अन्तरवार्तामा प्रतिक्रिया दिएका छन् ।

भारतको संकटपूर्ण अवस्थालाई आफू एक्लैले केही गर्न नसक्ने भन्दै पुनावालाले लण्डन पुगेर खोपका लागि आफूमाथि शक्तिशाली मानिसहरूको समेत दबाब आएको प्रतिक्रिया दिएका थिए ।

अन्तर्वार्तापछि उनले फेरि आफ्नो ट्वीटरमार्फत् खोप उत्पादनको काम भारतमै अघि बढिरहेको बताए । साथै चाँडै नै भारत फिर्कने पनि उनले बताएका छन् । भारतको पुणेमा रहेको सेरम इन्स्टिच्यूटले कोभिड १९ विरुद्धको खोप कोभिशील्ड उत्पादन गर्दैआएको छ ।