एजेन्सी । इन्टर मिलान इटालियन सिरी ए फुटबलको उपाधि नजिक पुगेको छ ।

लिगअन्तर्गत शनिबार राति भएको खेलमा खेलमा इन्टर मिलानले क्रोतोनेलाई २–० गोलले पराजित गरेको छ । अवे मैदानमा भएको खेलमा इन्टर मिलानले क्रोतोनेमाथि २–० गोलको जित दर्ता गरेको हो ।

उसका लागि खेलको ६९ औँ मिनेटमा क्रिष्टियन एरिक्सन तथा इन्जुरी समयको दोस्रो अर्थात ९२ औँ मिनेटमा हकिमीले गोल गरेका हुन् ।

जितपछि उपाधि नजिक पुगेको शीर्ष स्थानको इन्टर मिलानको ३४ खेलबाट ८२ अंक भएको छ ।

शनिबार राति नै भएको अर्को खेलमा बेनेवेन्तोलाई २–० गोलले पराजित गरेको एसी मिलान ६९ अंकसहित दोस्रो स्थानमा उक्लिएको छ ।

आइतबार राति हुने खेलमा एट्लान्टाले सासुओलोलाई पराजित गर्न नसकेको अवस्थामा इन्टर मिलानले सन् २०१० पछि पहिलो पटक सिरी ए उपाधि जित्ने छ ।