एजेन्सी । च्याम्पियन्स लिगको सेमिफाइनलको पहिलो लिगमा रियल मड्रिड र चेल्सीले बराबरी खेलेका छन् ।

घरेलु मैदानमा मंगलबार राति भएको सेमिफाइनलको पहिलो लिगमा रियल मड्रिड इंग्लिस क्लब चेल्सीसँग १–१ गोलको बराबरीमा रोकिएको हो ।

खेलको १४औँ मिनेटमा क्रिष्टियन पुलिसिकको गोलबाट चेल्सीले अग्रता लियो । खेलको २९औँ मिनेटमा रियल मड्रिडका लागि करिम बेन्जिमाले बराबरी गोल गरे ।

त्यसपछि दुवै तर्फबाट गोल हुन सकेन । खेल बराबरीमा सकियो । दोस्रो लिग चेल्सीको मैदानमा हुनेछ ।