काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले प्रधानमन्त्री केपी शर्मा ओलीलाई केही समय उद्घाटन, शिलान्यास र पार्टी विवादलाई थाँती राख्न आग्रह गरेका छन् । कोरोना भाइरसले देश आक्रान्त र विचलित भएको भन्दै अध्यक्ष थापाले यस्तो भनेका हुन्।

पछिल्ला दिनहरुमा प्रधानमन्त्री एवं नेकपा एमालेका अध्यक्ष ओली उद्घाटन, शिलान्यास र पार्टी विवादलगायतका कार्यहरुमा अल्झिरहेको टिप्पणी गर्दै उनले
कोरोना अनियन्त्रित र विकराल बन्दै गएकोले यसबारे सरकारले गरेको प्रयास र योजनाबारे आफूले सुन्न चाहेको उल्लेख गरेका छन् ।

सामाजिक संजालमार्फत् अध्यक्ष थापाले दुःखको बेला जनता भरोसा खोजिरहेका भन्दै जनताको भरोसालाई जोगाउन आग्रह गरेका हुन्।  ट्वीटरमा उनले लेखेका छन्, ‘केही समय उदघाटन,शिलान्यास र पार्टी विवादलाई थॅाति राखेर कोरोना महामारी नियन्त्रणमा ध्यानदिन प्रमलाई आग्रह गर्दछु । कोरोना अनियन्त्रित र विकराल बन्दैछ ।यस अवस्थामा जनता स्वयं प्रमबाट सरकारले गरेका प्रयास र योजनावारे सुन्न बुझ्न चाहन्छन् । दु:खको बेला जनता भरोसा खोजिरहेछन्।’

केही समय उदघाटन,शिलान्यास र पार्टी विवादलाई थॅाति राखेर कोरोना महामारी नियन्त्रणमा ध्यानदिन प्रम @kpsharmaoli लाई आग्रह गर्दछु।कोरोना अनियन्त्रित र विकराल बन्दैछ।यस अवस्थामा जनता स्वयं प्रमबाट सरकारले गरेका प्रयास र योजनावारे सुन्न बुझ्न चाहन्छन्।दु:खको बेला जनता भरोसा खोजिरहेछन्

— Kamal Thapa (@KTnepal) April 25, 2021

त्यस्तै, पूर्वप्रधानमन्त्री एवं जसपा संघिय अध्यक्ष डा.बाबुराम भट्टराईले पनि कोरोनाको दोस्रो लहरबाट बच्न सरकारले आवश्यक पहल गर्नुपर्ने बताउदै कोभिड-१९को घातक दोश्रो लहरबाट जीवनरक्षा आजको पैलो राष्ट्रिय प्राथमिकता रहेको र पशुपति र धरहरामा गजुर हैन अस्पतालमा अक्सिजन सिलिन्डर,भेन्टिलेटर लगायत आवस्यक सामाग्रीको जोहो गर्न सरकारलाई सुझाब दिएका छन्।