वीरगञ्ज । पर्साको वीरगञ्जमा ११२ जनाको पीसीआर परीक्षण गर्दा ८८ जनामा कोरोना संक्रमण पुष्टि भएको छ ।

संक्रमित हुनेमा जनकपुरको अस्थायी इजलासका दुई न्यायाधिश समेत रहेका छन् । उच्च अदालतका अन्य १२ कर्मचारीमा समेत संक्रमण देखिएको छ ।

बुधबार वीरगञ्जस्थित नारायणी अस्पतालको पीसीआर प्रयोगशालामा शंकास्पद व्यक्तिहरुको स्वाबको नमुना परीक्षण गरिएको थियो । संक्रमितमध्ये २४ महिला छन् ।

पर्साका ७९, बाराका ७ तथा रौतहट र रुकुमका १÷१ जनामा संक्रमण पुष्टि भएको नारायणी अस्पतालले जनाएको छ । पर्साका ७९ संक्रमितमध्ये ७६ जना वीरगञ्जका तथा ३ जना बहुदरमाई नगरपालिकाका छन् ।

पछिल्लो समय भारतबाट घर फर्किनेहरु कोरोनाबाट बढी संक्रमित हुने गरेका छन् ।