एजेन्सी । इंग्लिस प्रिमियर लिग फुटबलअन्तर्गत बुधबार राति भएको खेल जित्दै म्यानचेस्टर सिटी उपाधि नजिक पुगेको छ ।

अवे मैदानमा भएको खेलमा म्यानचेस्टर सिटीले एस्टन भिल्लालाई २–१ गोलले पराजित गरेको हो ।

सिटीका लागि खेलको २२ औँ मिनेटमा फिल फोडिन तथा ४० औँ मिनेटमा रोड्रीले गोल गरे । एस्टन भिल्लाका लागि पहिलो मिनेटमै जो म्याकगिनले गोल गरेका थिए ।

५७ औँ मिनेटमा एस्टन भिल्लाका म्याटी क्यास तथा ४४ औँ मिनेटमा जोन स्टोन्स रातो कार्ड पाएर मैदानबाट बाहिरिएपछि दुवै टिम १० खेलाडीमा सीमित भएको थिए ।

जित निकालेको म्यानचेस्टर सिटीको ३३ खेलबाट ७७ अंक भएको छ । ३१ खेलबाट ४४ अंकसहित एस्टन भिल्ला ११ औँ स्थानमा छ ।