काठमाडौं । पछिल्लो २४ घण्टामा कोरोना संक्रमितको संख्या ह्वात्तै बढेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १ हजार ७ सय ३६ जनामा कोरोना भाइरस संक्रमण पुष्टि भएको छ ।

यही अवधिमा १५ जनाको मृत्यु भएको मन्त्रालयले जनाएको छ ।

मन्त्रालयका अनुसार मृत १५ जनामध्ये ११ जनाको २४ घण्टाभित्र रिपोर्ट प्राप्त भएको हो भने बाँकी ३ जनाको पछिल्लो २४ घण्टाभित्र मृत्यु भएको हो ।

८ हजार ५५ जनाको पीसीआर तथा ६८३ जनाको एन्टीजेन परीक्षण गर्दा क्रमशः १६६७ र ६९ जनामा संक्रमण पुष्टि भएको हो ।

योसँगै नेपालमा संक्रमितको संख्या २ लाख ८७ हजार ५ सय ६७ पुगेको छ भने मृतकको संख्या ३ हजार १ सय २ जना पुगेको छ ।

मन्त्रालयका अनुसार पछिल्लो २४ घण्टामा २ सय ५१ जना निको भएका छन् । यो सँगै नेपालमा निको हुनेको कूल संख्या २ लाख ७५ हजार ८०६ जना पुगेको छ ।