काठमाडौं । प्रमुख प्रतिपक्षी दल नेपाली कांग्रेसको केन्द्रीय कार्यसमिति बैठक आज बस्दै छ ।

पार्टीको केन्द्रीय कार्यालय सानेपामा बैठक दिउँसो २ बजे बस्ने पार्टी कार्यालयका मुख्य सचिव कृष्णप्रसाद पौडेलले जानकारी दिए ।

नयाँ सरकार गठन र पार्टी महाधिवेशनको चटारोमा परेको कांग्रेसको आजको बैठकमा सत्ता समीकरण र महाधिवेशनका बारेमा छलफल हुने पौडेलले बताए

यसअघि बस्ने भनिएको केन्द्रीय कार्यसमितिको बैठक वरिष्ठ नेता रामचन्द्र पौडेलको भाइको निधनका कारण स्थगित भएको थियो।