एजेन्सी । राउल क्यास्ट्रोले क्युबाको कम्युनिष्ट पार्टीको नेताबाट राजीनामा दिएका छन् । उनको राजीनामा सँगै क्यास्ट्रो परिवारको ६ दशकदेखिको सत्ता नेतृत्व अन्त्य भएको छ ।

८९ वर्षीय क्यास्ट्रोले पार्टीको कंग्रेसमा आफूले नेतृत्व युवा पुस्तालाई हस्तान्तरण गर्ने बताए । आफूले पूरै लगन र साम्राज्यवादी भावना विपरित रहेर नेतृत्व हस्तान्तरणको निर्णय लिएको क्यास्ट्रोले बताएका छन् । उनको ठाउँ लिने व्यक्ति मतदानबाट चयन हुने छन् ।

योसँगै उनका दाइ फिडेल क्यास्ट्रो र उनको औपचारिक नेतृत्वको लहर अन्त्य हुने छ । सन् १९५९ को क्रान्तिपछि क्युवामा क्यास्ट्रो परिवार सत्तामा थियो ।

सन् २०१८ मा राष्ट्रपति बनेका मिगुएल डिआस–कनेल कम्युनिष्ट पार्टीको नेता हुने अनुमान गरिएको छ ।