काठमाडौं । प्रदेश–२ मा माधवकुमार नेपाल पक्षले प्रधानमन्त्री समेत रहेका एमाले अध्यक्ष केपी शर्मा ओली पक्षका संसदीय दलको नेतालाई हटाएर नयाँ संसदीय दलको नेता चुनेको छ ।

नेपाल पक्षले अध्यक्ष ओली पक्षका सत्यनारायण मण्डललाई संसदीय दलको नेताबाट बहुमतले हटाएर आफ्नो पक्षका शत्रुधन महतोलाई संसदीय दलको नेता चुनेको हो ।

प्रदेश २ मा रहेका एमालेका २१ सांसदमध्ये १३ जना सांसदको समर्थनबाट आफू संसदीय दलको नेता बनेको महतोले जनाएका छन् ।

महतोले सभामुखले आफूलाई मान्यता दिइसकेको पनि दावी गरेका छने
।

यता मण्डलले भने अवैधानिक र अलोकतान्त्रिक तरिकाले हटाइएको भन्दै पार्टी नेतृत्वलाई जानकारी गराइसकेका छन् ।

मण्डलले अविश्वासको प्रस्ताव नल्याइकनै आफूलाई हटाइएको भन्दै यो निर्णय कुनै पनि हालतमा मान्य नहुने बताए ।