रुपन्देही। जिल्ला प्रहरी कार्यालय रुपन्देहीले आफ्नै श्रीमतीको हत्या गरेको आरोपमा उनका श्रीमानलाई पक्राउ गरेको छ। 

बिहीबार बिहान ५५ वर्षीया कुसुम बानियाको हत्या गरेको अभियोगमा सियारी गाउँपालिका-३ हर्नैयागाँउ बस्ने ६६ वर्षीय गनपत बानियालाई  प्रहरीले पक्राउ गरेको हो  । 

गनपतले आफ्नै श्रीमतीको हत्या गरेको भन्ने खबर प्राप्त हुनासाथ ईलाका प्रहरी कार्यालय बेथरी र जिल्ला प्रहरी कार्यालय रुपन्देहीबाट खटिएको प्रहरीले उनलाई पक्राउ गरेको जनाएको छ। 

यस सम्बन्धमा प्रहरीले थप अनुसन्धान गरिरहेको जनाएको छ ।