डोल्पा । अज्ञात समुहले डोल्पाको ठुलिभेरी नगरपालिकाका प्रमुख गणेश बहादुर शाहीका दुईटा डोजरमाथि शनिबार राती आगजनी गरेको छ ।

नगरपालिकाको केन्द्र जुफालबाट वडा नं ५ र ६ हुँदै पुर्वी रुकुम जोड्ने सडक खन्ने क्रममा जुफाल र लहाराको बिचको जंगलमा भे १ क ४६३६ र भे १ क १२९४ नंम्बरका दुईवटै डोजरमाथि अज्ञात समुहद्धारा आगजनी गरिएको प्रहरी निरीक्षक हरीराम डाँगीले जानकारी दिए ।

घटनाको बिषयमा अनुसन्धान भइरहेको  डाँगीले बताए ।

आगजनीबाट दुईवटै डोजर पुर्ण रुपमा क्षति भएको बताइएको छ ।

आफ्नो डोजरमाथि भएको आगजनीको बिषयमा शाहीले केही बोलेका छैनन्।

दुईवटै डोजर मौसम एण्ड हरिष निर्माण सेवाको नाममा रहेको प्रहरीले जनाएको छ ।