काठमाडौँ। साताको अन्तिम दिन आज  सुनको मूल्यमा गिरावट आएको छ । अघिल्लो दिनको तुलनामा छापावाल सुनको मूल्यमा प्रति तोला ६ सय रुपैयाँको गिरावट आएको हो ।

नेपाल सुनचाँदी व्यावसायी महासंघले  आज छापावाल सुनको मूल्य  प्रतितोला ८६ हजार ३ सय रुपैयाँनिर्धारण गरेको छ । अघिल्लो दिन छापवाला सुनको मूल्य  प्रतितोला ८६ हजार ९ सय रुपैयाँमा कारोबार भएको थियो ।

महासंघका अनुसार,आज तेजाबी सुनको मूल्य प्रति तोला ८५ हजार ८ सय ५० रुपैयाँ कायम भएको छ ।

यस्तै, आज चाँदीको मुल्यमा भने कुनै घटबढ भएको छैन । आज चाँदीको मूल्य  प्रतितोला १ हजार २ सय ३० रुपैयाँ निर्धारण गरेको महासंघले जनाएको छ।