काठमाडौँ। नेपाल कम्युनिष्ट पार्टी (नेकपा) माओवादी केन्द्रले ‘नेकपा’ एकता खारेज गर्ने सर्वोच्चको फैसलालाई पुनरावलोकन गर्ने भएको छ।

कानुन व्यवसायीहरुको सुझाव अनुसार माओवादी केन्द्र सर्वोच्चको फैसलाबारे पुनरावलोकनमा जाने निष्कर्षमा पुगेको हो ।

माओवादी केन्द्रका अध्यक्ष पुष्पकमल दाहाल ‘प्रचण्ड’सहितका नेताहरुले मंगलबार कानुन व्यवसायीहरुसँग छलफल गरेका थिए ।

अब छिट्टै फैसला पुनरवलोकनको निवेदन लिएर सर्वोच्च अदालत जाने सांसद देवेन्द्र पौडेलले जानकारी दिए ।

सर्वोच्च अदालतले गएको फागुन २३ मा एमाले–माओवादीबीचको एकता खारेज गरी २०७५ नेठ २ कै अवस्थामा पुर्याइदिएको थियो ।