काठमाडौँ। विश्वकप छनोटका लागि शक्तिशाली अस्ट्रेलियासँग काठमाडौँमा खेल्ने तयारी गरिरहेको नेपालको राष्ट्रिय फुटबल टोलीले कोभिडका कारण परिवर्तित अवस्थामा मैत्रीपूर्ण खेलमार्फत् छ वर्षपछि रङ्गशालामा खेल्दैछ।

भारतमा आई लीग खेलिरहेका कप्तान किरण चेम्जोङ र इन्डोनेशियाको लीगमा रमाइरहेका उपकप्तान रोहित चन्द ‘थ्री नेशन्स कप’का लागि नेपाल फर्किसकेका छन्।

थ्री नेशन्स कप मंगलबार बङ्ग्लादेश र किर्गिस्तानको युवा टोलीबीचको खेलबाट मङ्गलवार सुरु हुँदैछ।

काठमाडौँको दशरथ रङ्गशालामा हुने प्रतियोगिता नेपाली फुटबलको लागि महत्त्वपूर्ण हुने ठानिएको छ।

नेपालको पहिलो खेल बिहीवार किर्गिस्तानको युवा टोलीविरुद्ध हुनेछ।

टिकट दर ७०० र १,५०० रुपैयाँ तोकिएको प्रतियोगिता हेर्न उल्लेख्य दर्शक आउने विश्वास एन्फाको रहेको छ।