म्याड्रिड – संसारभर फैलिरहेको कोरोना भाइरस संक्रमण नियन्त्रणका लागि रकम जुटाउन गायिका साकिराको परफ्युम उत्पादन गर्ने कम्पनीले स्यानिटाइजर तयार गरिरहेको छ। उनले सामाजिक सञ्जाल इन्स्टाग्राममार्फत कोरोना संक्रमण नियन्त्रणका लागि रकम कम्पनीबाट स्यानिटाइजर उत्पादन गरिरहेको जानकारी गराएकी थिइन्।

बार्सिलोनास्थित पुइग कम्पनीले आफ्नो स्रोत र सुविधाको प्रयोग गरेर संक्रमण नियन्त्रणका लागि स्यानिटाइजर उत्पादन गरिरहेको फोटोहरू उनले इन्स्टाग्राममा पोस्ट गरेकी छन्। पुइगले कोलम्बियन कलाकारसँग सहकार्य गरेर विभिन्न परफ्युमहरू उत्पादन गर्दछ। जसमा गायिका साकिराको ‘ड्रिम एन्ड स्वीट ड्रिम’ समावेश छ।

‘यस्तो अफ्ठ्यारो अवस्थामा पनि कम्पनीले सकारात्मक प्रयास गरिरहेको छ। मैले सहकार्य गरिरहेको परफ्युमहरू उत्पादन गर्ने पुइग कम्पनीले उनीहरूको स्रोत र सुविधाको प्रयोग गरेर स्यानिटाइजर उत्पादन गरिरहेको छ। सो स्यानिटाइजरको बिक्रीबाट उठेको रकम

स्पेनको सरकारलाई प्रदान गर्नेछौं,’उनले लेखेकी छन्, ‘समाज सेवाको लागि यो उदाहरणीय योगदान हो जस्तो लाग्छ। यसले अन्य कम्पनीहरूलाई प्रेरणा दिन्छ भन्नेमा आशावादी छु।’