काठमाडौं।  जनता समाजवादी पार्टी (जसपा) संघीय परिषद् अध्यक्ष एवं पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओलीलाई हिटलरसँग तुलना गर्दै उनले खड्क चलाउन सक्ने बताएका छन् ।

आइतवार बिहान सामाजिक सञ्जालमार्फत्  डा भट्टराईले नेपालमा पनि हिटलरको उदय भइरहेको भन्दै हिटलरबाट बच्न सबैलाई होसियार भनेका हुन् ।

उनले प्रधानमन्त्री ओलीतिर इंगित गर्दै पार्टी र राज्यको शक्ति आफूमा केन्द्रित गरेर सबैमाथि खड्का चलाउन थालेको आरोप लगाएका छन् । भट्टराईले यस्तो अवस्थामा सबै सजग हुनुपर्ने सुझावसमेत दिएका छन्।

उनले लेखेका छन्, ‘हिट्लरबारे चर्चित भनाइ छ -पहिले उनीहरू यहुदीविरूद्ध जाइलागे, म बोलिनॅ किनकि म यहुदी थिइन‘ अन्त्यमा उनीहरू मबिरूद्ध आइलागे, कोही पनि बोलेन किनकि कोही पनि बाँकी थिएन! नेपाली हिट्लरको उदय त्यसरी नै भैरहेछ! उसले पार्टी, राज्यको शक्ति आफुमा केन्द्रित गरेर सबैमाथि खड्ग चलाउॅदैछ! होशियार !’

हिट्लरबारे चर्चित भनाइ छ-‘पहिले उनीहरू यहुदीविरूद्ध जाइलागे,म बोलिनॅ किनकि म यहुदी थिइनॅ;…अन्त्यमा उनीहरू मबिरूद्ध आइलागे,कोही पनि बोलेन किनकि कोही पनि बाॅकी थिएन!’नेपाली हिट्लरको उदय त्यसरी नै भैरहेछ!उसले पार्टी,राज्यको शक्ति आफुमा केन्द्रित गरेर सबैमाथि खड्ग चलाउॅदैछ!होशियार!

— Baburam Bhattarai (@brb1954) March 21, 2021

पछिल्लो समय प्रधानमन्त्री एवं नेकपा एमाले अध्यक्ष ओलीले एकलौटी निर्णय गर्दै आइरहेका बेला डा भट्टराईले यस्तो भनेका हुन्।