काठमाडौँ । प्रधानमन्त्री एवम पार्टी अध्यक्ष केपी शर्मा ओलीले रामकुमारी झाँक्रीको अहिले नै पार्टीमा हैसियत नपुगेको भन्दै स्पष्टीकरण सोध्ने निर्णय फिर्ता लिन नेकपा एमालेको केन्द्रीय कमिटीलाई निर्देशन दिएका छन् ।

शनिबार बसेको एमालेको केन्द्रीय कमिटीले झाँक्रीलगायत वरिष्ठ नेता माधवकुमार नेपाल, भीम रावल, सुरेन्द्र पाण्डे र घनश्याम भुसाललाई स्पष्टीकरण सोध्ने निर्णय गरेको थियो ।

तर बैठकको अन्तिममा प्रधानमन्त्री ओलीले झाँक्री लहलहैमा लागेर हिँडेको र उनलाई स्पष्टीकरण सोध्न तर हैसियत नै पुग्दैन भनेपछि निर्णय फिर्ता भएको थियो ।

बैठकले वरिष्ठ नेता माधवकुमार नेपाल, भीम रावल, सुरेन्द्र पाण्डे र घनश्याम भुसाललाई भने स्पष्टीकरण सोध्ने निर्णय पारित गरेको छ । उनीहरुलाई पार्टी हितविरुद्ध काम गरेको र नेतृत्वलाई खुइल्याउन तल्लीन रहेको कारण देखाउँदै स्पस्टीकरण सोध्ने निर्णय गरिएको हो ।